Bluamawerkstatt zur Linde
by Marianne Bislin
Zu Miar
...ich bin d'Marianne und wohna zämma mit minera Familia im "Haus Linde" in Pfäfers. Im Toggaburg bin ich mit mina Eltera und 6 Gschwüsterti ama wunderschöna Örtli uf em "Berg" ufgwachsa. Rund um mi dia wunderschöni Landschaft, Natur und Bluamawiesa...
Ich ha scho als chlises Meitli immer gseit : "Ich werda Floristin."
...und so isch es denn au cho. Vo 1996 bis 1999 hani mini Lehr als Floristin gmacht und nochher an verschiedana Ort gschaffet. Im Moment bin ich glücklich und dankbar, das ich mit minera chlina Bluamawerkstatt mini Lidaschaft zu Bluama und Natur chan leba
Mini Stilrichtig
"Wenn du die Natur liebst, wirst du überall Schönheit finden" Vincent Van Gogh
...mini Stilrichtig beschriebt sich in weniga Stichwort: natürlich, mengmol a bitz wild, eifach und ohni kitsch
Wia jedi Bluama einzigartig blüaht, so söll au jeda Moment bsundrig si
Christian Morgenstern
Warum ich als euri Floristin?
"Heb Freud a dem wo du machsch!"
...das isch mis Motto
mit grosser Freud zu mim Bruef probiar ich dini persönlicha Wünsch umz'setza und dia Freud in mina floristischa Werkstuck zum Usdruck bringa.
d'Liabi zum Detail wird debii nia fehla!
d'Natur - min Arbetsplatz
...wer mi kennt weiss, dass ich mit laufa in dä Natur mini Auga ständig offa ha und meischtens a Täscha debii han zum es paar vo dena wunderbara Materialia im Wald d'sammla und drus öppis kreiera. Ab und zua isch min Arbetsplatz au grad direkt im Wald.
